____________________________________________________________
Reklame-agentskap:
die vernuftige mense agter
daardie pakkende advertensies
Reklame is deel van ons almal se lewens. Dit is oral.
'n Advertensie ontstaan baiemaal ook nie sonder inspanning nie. Dis dikwels die
produk van verskillende mense se harde werk -- en dit gaan oor baie meer as
bloot pragtige prentjies en slim woorde. Dit is daarom ook nie verbasend dat s≤
'n bedryf 'n breδ reeks van fassinerende beroepsgeleenthede bied nie...
____________________________________________________________
DIS een van die min reekse loopbane waarin
die wetenskap en die kuns 'n ewe groot rol speel. As die kommunikasie van idees
vir jou belangrik is, is dit miskien tyd om die reklamewese as jou roeping te
oorweeg.
Miljoene rande word jaarliks wΩreldwyd in hierdie
bedryf bestee. Hier werk die beplanner, die onderhandelaar, die skrywer, die
kunstenaar en die bestuurder as 'n span saam om hul kliδnt se sakeprobleme te
help oplos.
Dis 'n opwindende kombinasie van briljante idees en
'n intensiewe kennis van die mark -- en dus 'n aantreklike tuiste vir 'n groot
verskeidenheid mense. Hoewel gegradueerdes uit talle verskillende terreine hier
beland, is daar nou ook instansies wat gespesialiseerde opleiding in die reklamewese
se verskeie spesialiteitsrigtings bied.
Maar hoe lyk die poste en take van die verskillende
hoofde en werkers in 'n tipiese reklame-agentskap?
òáá
REKENINGBESTUURDER: 'n Rekeningbestuurder (account manager) is
verantwoordelik vir die skakeling met die kliδnt en die bestuur van die
algehele proses. Hy of sy is dus die tussenganger tussen die agentskap en die
adverteerder.
S≤ iemand moet die kliδnt se behoeftes vinnig kan
bepaal, inligting blitsig kan verwerk, diplomaties kan optree en bowenal geesdriftig
wees. 'n Bekende persoon in die reklamebedryf vergelyk die rekeningbestuurder
met die dirigent van 'n groot simfonie-orkes, wat moet sorg dat die klanke van
die uiteenlopende instrumente 'n geheel vorm om musiek te maak.
òáá
REKENINGBEPLANNER: By party agentskappe verrig die rekeningbestuurder
dieselfde taak as die beplanner, maar by ander het hulle verskillende funksies.
Sy werk is hoofsaaklik om dit wat die kliδnt wil hΩ, te versoen met dit wat die
verbruiker wil hΩ.
Navorsing is die rekeningbeplanner se vernaamste
gereedskap. Wat wil die mark hΩ? Hoe beskou hulle 'n sekere produk of diens? In
samewerking met die kliδnt, en dikwels ook onafhanklike navorsingsinstansies,
ontleed hy die persepsies, motiverings en begeertes van die mark.
Met die resultate van die navorsing moet die
rekeningbeplanner met 'n sinvolle strategie na vore kom om die nodige boodskap
by die verbruikers tuis te bring. Dit moet ook sin maak vir die mediamense en
die kreatiewe span. Ten einde hierdie mense, sowel as die kliδnt, te kan
oortuig, moet hy die vermoδ hΩ om 'n oortuigende voorlegging te kan doen en
slim te kan argumenteer.
òáá
MEDIABEPLANNER EN -AANKOPER: Die afdeling van die mediabeplanner en
-aankoper in 'n agentskap ontleed, selekteer en kontrakteer plek of tyd in die
media (bv. tydskrifte, die radio en televisie) wat die reklameboodskap die
beste sal oordra.
Ons beleef vandag 'n media-ontploffing. Die
verskeidenheid neem daagliks toe. Kenners op hierdie terrein is dus vir die
agentskap 'n absolute noodsaaklikheid. Hier is twee rigtings waarin
gespesialiseer kan word, hoewel dit in kleiner agentskappe deur dieselfde mens
behartig word: mediabeplanning en media-aankope.
As mediabeplanner moet jy die beste kanale
identifiseer om die boodskap aan die regte mense oor te dra. Die geheim is om
soveel as moontlik van jou mark te bereik en terselfdertyd vermorsing te
voorkom. Vandag word meer boodskappe deur meer media aan minder mense gestuur
as ooit tevore. Die media-aankoper se taak is om die beste geleenthede te vind
om jou kliδnt se boodskap oor te dra. 'n Goeie kennis van die verskeie media en
pryse is noodsaaklik. Jy moet ook kan onderhandel vir die beste pryse en goeie
betrekkinge met die mediaverkopers handhaaf.
òáá
KOPIESKRYWER EN KUNSDIREKTEUR: Die kopie is die woorde in 'n
advertensie. 'n Kopieskrywer se werk behels egter heelwat meer as net die skryf
van woorde. Hy of sy dink die advertensie uit, in noue samewerking met die
kunsdirekteur.
Hierdie span werk allereers met idees. Hulle moet die
beste en oorspronklikste oplossings vind vir die opdragte wat deur die
bemarkers gegee word, deur gebruik te maak van woorde, prente, musiek,
klankeffekte en dies meer. S≤ iemand moet homself in die teikenmark se skoene
kan plaas. 'n Passie vir reklame en vir idees is van kardinale belang.
As dit nodig is, werk hierdie mense lang ure, en daar
is dikwels frustrasies met die kliδnte sowel as kollegas, maar die opwinding
van die werk kan met min ander vergelyk word.
òáá GRAFIESE
ONTWERPER: Dit is vanselfsprekend dat 'n ontwerper 'n aanleg vir die visuele
kunste moet hΩ. Die werk behels die ontwerp van verpakking, logo's,
briefhoofde, brosjures, verkooppunte en vele ander. Opleiding in die moderne
tegnologie van die rekenaar word vereis.
S≤ iemand kan ook kies om te spesialiseer op
rekenaarverwante terreine, die sogenaamde multimedia, met die ontwerp van
webtuistes, inligting-CD's, skermbeskermers (screen savers) en ander verwante
promosie-artikels.
S≤ sien ons dat die advertensiebedryf interessante
loopbaangeleenthede bied aan 'n breδ verskeidenheid van mense met verskillende
talente en belangstellings.
____________________________________________________________
Terug na inhoudsblad -- klik hier
____________________________________________________________
Ons Wonderlike WΩreld op CD,
2004 - Uit Huisgenoot se Jongspan