VII 

Tard arrivé. I'execution faicte.
Le vent contraires, lettres au chemín prinses:
Les coniurez XIIIJ d'une secte.
Par le Rousseau senez les entreprinses.

VIII

Combien de fois prinse cité solaire
Sera changeant les lois barbares & vaines:
Ton mal s'approche. Plus sera tributaire
La grand Hadrie recourira tes veines.

IX 

De l'Orient viendra le coeur Punique
Fascher Hadrie, & les hoirs Romulides.
Accompagné de la classe Libyque.
Temple Melites et proches Isles vuides.

X 

Sespens transmis en la cage de fer.
Ou le enfans septains du Roy sont prins,
Les vieux & peres sottiront bas de l'enfer,
Ains mourir voir de fruict mort & cris.

XI 

Le mouvement de sens, coeur, pieds & mains
Seront d'accord Naples, Lyon, Sicile
Glaives, feux, eaux puis aux nobles Romains,
Plongez, tuez, morts par cerveau debile.

XII 

Dans peu dira faulce brute fragile,
De bas en hault eslevé promptement.
Puis en istant desloyale & labile,
Qui de Veronne aura gouvernement.