XXV 

Perdu, trouvé, caché de si long siecle.
Sera pasteur demy Dieu honoré:
Ains que la Lune acheve son grand siecle.
Par autres vents sera deshonoré.

XXVI

Le grand du fouldre tombe d'heure diurne.
Mal & predict par porteur postulaire:
Suivant presage tombe d'heure nocturne,
Conflict Reims, Londres: Etrusque pestifere.

XXVII 

Dessous de chaine Guien du Ciel frappé,
Non loing da la est caché le tresor,
Qui par long siecles avoir esté grappé,
Trouvé mourra. I'oeil crevé de ressor.

XXVIII

La tour de Boucq craindra fuste barbare.
Un temps, Iong temps apres barque hesperique
Bettail, gens, meubles, tous deux feront grand tare
Taurus & libra, quelle mortelle pinque?

XXIX 

Quand le poisson terrestre & aquatique
Par force vague au gravier sera mis,
Sa forme estrange suave & horrifque.
Par mer aux murs bien tost les ennemis.

XXX 

la nef estrange par le tourment marin
Abordera pres de port incogneu:
Non obstant signes de rameau palmerin.
Apres mort pille bon advis tard venu.