LXXIX

Bazaz, Lectore. Condon. Ausch Agine
Esmeus par loix, querelle & monopole:
Car Bourd, Tholoze Bay mettra en ruine,
Renouveller voulant leur tauropole. 

LXXX

De la sixsiesme claire splendeur celeste.
Viendra tonner si fort en la Bourgogne
Puis naistra monstre de tres hideuse beste
Mars, Avril, May, Iuin grand charpin & rongne.

LXXXI

D'humain troupeau neuf seront mis à part,
De iugement & conseil separez,
Leur fort sera divisé en depart,
Kappa, Thita, Lambda mors bannis esgarez. 

LXXXII

Quand les colonnes de bois grande tremblee,
D'austere conduicte, couverte de rubriche,
Tant vuidera debors grande assemblee,
Trembler Vienne & le pays d'Austriche. 

LXXXIII

La gent estrange divisera butins,
Saturne en Mars son regard furieux,
Horrible estrange aux Toscans & Latins,
Grecs qui seront a frapper curieux. 

LXXXIV

Lune obscurcie aux profondes tenebres,
Son frere passe de couleur ferrugine,
Le grand caché long temps sous les tenebres,
Tiedera fer dans la praye sanguine.