XVII

Mont Aventine brusler nuict sera veu.
Le ciel obscur tout a un coup en Flandres,
Quand le Monarque chassera son neveu.
Leurs gens d'Egtise commettront les esclandres.

XVIII

Apres la pluye laict assez longuette,
En plusieurs lieux de Rhemis le ciel touché:
O quel conflict de sang pres d'eux s'appreste.
Pere & fils Roys n'oseront approché.

XIX

En Luques sang & laict viendra plouvoir,
En peu devant changement de preteur:
Grand peste & guerre faim & soif fera voir,
Loin ou mourra leur Prince recteur.

XX

Par les contrees du grand fieuve Bethique,
Loin d'lbere au royaume de Grenade:
Croix repousses par gens Mahometiques.
Un de Cordube trahira la contrade.

XXI

Au Crustamin par mer Hadriatique.
Apparoistra un horrible poisson,
De face humaine & la fin aquatique,
Qui se prendra dehors de l'ameson.

XXII

Six iours l'assaut devant cité donné:
Livree sera forte & aspre bataille:
Trois la rendront & à eux pardonné.
Le reste a feu & sang tranche taille.