LIII

Quand le plus grand emportera le pris,
De Nuremberg, d'Ausboug & ceux de Basle
Par Agrippine chef Frankfort repris,
Traverseront par Flamant iusqu'en Gale.

LIV

L'un des plus grands fuyera aux Espaignes
Qu'en longue playe apres viendra saigner,
Passant copies par les hautes montaignes.
Devastant tout, & puis en paix regner.

LV

En l'an qu'un oeil en France regenera,
La Cour sera en un bien fascheux trouble,
Le grand de Bloys son amy tuera,
Le regne mis en mal & doubte double.

LVI

Montauban, Nismes, Avignon & Besier,
Peste, tonnerre & gresle à fin de Mars,
De Paris pont, Lyon mur, Montpellier
Depuis six cens & sept-vingt trois pars.

LVII

Sept fois changer verrez gens Britannique,
Taints en sang en deux cens novante an,
Franche non point par appuy Germanique,
Aries doubte son pole bastarnan.

LVIII

Aupres du Rhin des montaignes Noriques
Naistra un grand de gens trop trad venu,
Qui defendra Saurome & Pannoniques,
Qu'on ne sçaura qu'il sera devenu.