XLIII

Seront ouys au ciel les armes battre:
Celuy an mesme les divins ennemis,
Voudront loix sainctes iniustement debattre,
Par foudre & guerre bien croyans à mort mis.

XLIV

Deux gros de Mende, & de Roudés & Milhau,
Cahours, Limoges, Chartres malo sepmano 
De nuech l'intrado, de Bourdeaux un cailhau,
Par Perigort au toc de la campano.

XLV

Par conflict Roy, regne abandonnera,
Le plus grand chef faillira au besoing,
Mors prosligez peu en rechapera,
Tous destranchez, un en sera tesmoing.

XLVI

Bien defendu le faict par excellence,
Garde toy Tours de ta proche ruine,
Londres & Nantes par Reims fera deffense
Ne passe outre au temps de la bruine.

XLVII

Le noir farouche quand aura essayé
Sa main sanguine par feu, fer, arc tendus,
Trestout le peuple sera tant effrayé,
Voir les plus grans par col & pieds pendus.

XLVIII

Planure Ansonne fertile, spacieuse,
Produira taons si tant de sautereiles,
Clarté solaire deviendra nubileuse,
Ronger le tout, grand peste venir d'elles.