LXXIII

Le nepveu grand par force prouvera,
Le pache fait du coeur pusillanime,
Ferrare & Ast le duc esprouvera,
Par lors qu'au soir sera la pantomime.

LXXIV

Du lac Leman & ceux de Brannonices
Tous assemblez contre ceux d'Aquitaine.
Gemains beaucoup, encore plus Souisses,
Seront des faicts avec ceux d'Humaine.

LXXV

Prest à combattre fera defection,
Chef adversaire ohtiendra la victoire:
L'arriere garde fera defension,
Les defaillans mort au blanc territoire.

LXXVI

Les Nictobriges par ceux de Perigort
Seront vexes, tenant iusques au Rosne,
L'associé de Gascons & Begorne,
Trahir le temple, Ie prestre estant au prosne.

LXXVII

Selin Monarque l'Italie pacifique,
Regnes unis, Roy Chrestien du monde,
Mourant voudra coucher en terre blesique;
Apres pyrates avoir chassé de l'onde.

LXXVIII

La grand'armee de la pugne civile,
Pour de nuict parme à l'estrange truvee,
Septante neuf meutris dedans la ville,
Les estrangers passez tout à lespee.