XIV

Loing de sa terre Roy perdra la bataille,/ Prompt 
eschappé poursuivy suivant prins,/ Ignare prins soubs 
la doree maille./ Soubs fainct habit & I'ennemy surprins./

XV

Dessoubs la tombe sera trouvé le Prince,/ Qu'aura le 
pris par dessus Nuremberg,/ L'Espaignol Roy en Capricorne 
mince./ Fainct & trahy par le grand Vuitemberg./

XVI

Ce que ravy sen du ieune Milve,/ Par les Normans de 
France & Picardie,/ Les noirs du temple du lieu de 
Negrisilve,/ Feront aulberge & feu de Lombardie./

XVII

Apres les limes bruslez les asiniers,/ contraints 
seront changer habits divers,/ Les Saturnins bruslez par
les meusniers,/ Hors la pluspart qui ne sera couvers./

XVIII

Par les Phisiques le grand Roy delaissé,/ Par sort non 
art de I'Ebrien est en vie,/ Luy & son genre au regne 
hault poussé,/ Grace donnee à gent qut Christ envie./

XIX

La vraye flamme engloutira la dame,/ Que voudra mettre 
les Innocens à feu,/ Pres de l'assaut l'exercite 
s'enflamme,/ Quant dans Seville monstre en boeuf sera 
veu./

XX

L'union faincte sera peu de duree,/ Des uns changez 
reformez la pluspart,/ Dans les vaisseaux sera gent 
enduree,/ Lors aura Rome un nouveau liepart./