XCVI

La Synagogue sterile sans nul fruit/ Sera receuë & entre 
les infideles/ De Babylon la fille du porsuit/ 
Misere & triste lui trenchera les aisles./

XCVII

Aux fins du Var changer lo Pom potans/ Pres du rivage 
les trois beaux enfans naistre,/ Ruyne au peuple par 
aage competans/Regne au pays changer pius voir croistre./

XCVIII

Des gens d'Eglise sang sera espanché,/ Comme de l'eau 
en si grande abondance/ Et d'un long temps ne sera 
restanché/ Ve ve au clerc ruyne & doleance./

XCIX

Par la puissance des trois Rois temporels,/ En autre 
lieu sera mis le sainct siege:/ Où la substance de 
l'esprit corporel,/ Sera remis & receu pour vray siege./

C

Pour l'abondance de l'arme respandue/ De hault en bas 
par le bas au plus hault/ Trop grande foy par ieu vie 
perdue,/ De soif mourir par habondant deffault./

I

Dans la maison du traducteur de Bourc/Seront les 
lettres trouvees sur la table,/Borgne, roux, blanc, 
chenu tiendra de cours,/Qui changera nouveau Connestable./

II

Du hault du mont Aventin voix ouye,/ Vuydez vuidez de 
tous les deux costez,/ Du sang des rouges sera l'ire 
assomie,/ D'Arimin Prato. Columna debotez./