XV

Pere duc vieux d'and & de soif chargé,/ Au iour extreme 
fils desniant l'esguiere,/ Dedans le puis vif mort 
viendra plongé,/ Senat au fil la mort longue & legere./

XVI

Heureux au regne de France, heureux de vie/ Ignorant sang, 
mort, fureur & rapine,/ Par non flateurs seras mis en 
envie,/ Roy desrobé, trop de foye en cuisine./

XVII

La Royne Ergaste voyant sa fille blesme,/ Par un regret 
dans l'estomach enclos,/ Crys lamentables seront lors 
d'Angolesme,/ Et au germain mariage forclos./

XVIII

Le rang Lorrain fera place à Vendosme,/ Le haut mis bas, 
& le bas mis haut,/ Le fils de Harnon sera esleu dans 
Rome,/ Et les deux grands seront mis en defaut./

XIX

Iour que sera par Royne salue,/ Le iour apres le salut, 
Ia priere:/ Le compte fait raison & valbuee,/
Par avant humble oncques ne fut si fiere./

XX

Tous les amys qu'auront tenu party,/ Pour rude en 
lettres mis mort & saccagé,/ Biens oubliez par fixe 
grand neanty,/ Onc Romain peuple ne fut tant outragé./

XXI

Par le despit du Roy soustenant moindre,/ Sera meurdry 
luy presentant les bagues:/ Le pere au fils voulant 
noblesse poindre/ Pait comme à Perse iadis feirent les 
Magues./