LXXI

La terre & l'air geleront si grand eau,
Lors qu'on viendra pour leudy venerer
Ce qui sera iamais ne fut si beau,
Des quatre parts ie viendront honorer.

LXXII

L'an mil neuf cens nonante neuf sept mois,
Du ciel viendra un grand Roy d'effrayeur:
Resusciter le grand Roy d'Angolmois,
Avant apres Mars regner par bon heur.

LXXIII

Le temps present avecques le passé,
Sera iugé par grand lovialiste:
Le monde tard luy sera lassé,
Et desloyl par le clergé iuriste.

LXXIV

Au revolu du grand nombre septiesme,
Apparoistra au temps ieux d'Hecatombe,
Non esloigné du grand aage milliesme,
Que les entrez sortiront de leur tombe.

LXXV

Tant attendu ne reviendra iamais,
Dedans l'Europe, en Asie apparoistra,
Un de la ligue yssu du rand Hermes,
Et sur tous Roys des Orients croistra.