LXXVI

Le grand Senat discernera la pompe,
A l'un qu'apres sera vaincu chassez,
Ses adherans seront à son de tromps
Biens publiez, ennemis dechassez.

LXXVII

Trente adherans de l'ordre des quirettes
Bannis, leurs biens donnez ses adversaires.
Tous leurs bienfaits seront pour demerites,
Classe espargie delivrez aux Corsaires.

LXXVIII

Subite ioye en subite tristesse,
Sera à Rome aux graces embrassees,
Dueil, cris, pleurs, Iatm sang excellent liesse
Contraires bandes surprinses & troussees.

LXXIX

Les vieux chemins seront tous embellis,
Lon passera à Memphis somentrees,
Se grand Mercure d'Hercules fleur de lys
Faisant trembler terre, mer h contrees.

LXXX

Au regne grand du grand regne regnant,
Par force d'armes les grands portes d'airain
Fera ouvrir, le Roy & Duc ioignant,
Port demoly, nef à fons, our serain.