LXXXVI

Comme un gryphon viendra le Roy d'Europe,
Accompagné de ceux d'Aquilon.
De rouges & blancs conduira gran troupe,
Et iront contre le Roy de Babylon.

LXXXVII

Grand Roy viendra prendre port pres de Nisse,
Le grand empire de la mort si en fera
Aux Antipolles posera son genisse,
Par mer la Pille tout esvanouyra.

LXXXVIII

Pieds & Cheval à la seconde veille
Feront entree vastient tout par la mer:
Dedans le poil entrera de Marseille,
Pleurs, crys & sang, onc nul temps si amer.


LXXXIX

De brique en marbre seront les murs reduits,
Sept & cinquante annes pacifiques:
loye aux humains, renoué l'aqueduict.
Santé, grands fruicts. ioye & temps malefique.

XC

Cent fois mourra le tyran inhumain,
Mis à son lieu sçavant & debonnaire,
Tout le Senat sera dessous sa main,
Fasché sera par malin temeraire.